رسالة ترحيب:

اهلآ بكم فى عالمـى البسيط..عسي ان تجدوا فى كلمات قلمى ما يعبر عن خلجات قلوبكم..

27 فبراير 2011

اقوى من كل شئ ..




أشعــر وكأن هناك حبـــآ جديـــدآ سيطرق بابـــي..
◕‿◕
أقـــــوى من كل شـــــئ





حتى أقــــوى من الحـــــب نفســــه !!

وهتعـدى :)



مالك؟؟ زهقان..زعلان..مخنوق..مهموم ..متضايق ؟
مهما كانت صفحة امبارح مش عاجباك
او في منها سطور مش جاية ع هواك
وفيها جيه الحزن بعلو صوته ونداك

اعرف انها هتعدى :) .. آه والله ..ليه مش مصدق ؟؟!؟؟
هستأذنك تراجع شريط حياتك كدة بشويش مع حبة تركيز

هتلاقي ان كان ف أزمات كتير مكنتش تتوقع انك تعديها
وفى منها ال كنت بتخاف حتى لمجرد التفكير انك تشوف نفسك فيها

بس قدرك حتّم عليك انك تمر بيها

كنت حاسس ساعتها بأيه؟؟
كنت حاسس ان خلاص اتكسرت وضهرك انحنى؟!؟
كنت حاسس انها ضلمة اوى ومش لاقي نقطة النور ال تدلك ع الطريق؟!؟
كنت حاسس انك تايه ومش لاقي نفسك ..مش كدة ؟!؟ .

كان وقتها في ناس كتير حواليك بتتكلم وانت مش سامع ..صح؟
كان في ناس كتير عايزة تساعدك وبرضو مش نافع..صح؟
تفكيرك.. عقلك.. احاسيسك ..تصرفاتك..كله مكانش ف الطالع..صح؟


كنت فاكر انك خلاص خلِصت معاك بعد خبطة الحزن او الالم دى؟
وان دكة الاحتياطى بتناديك
وان ماتش اعتزالك خلاص قرب
وان خلاص ي عالم انا مش لاااااعب تانى!!

لأ ياكابتن .. اوعى تستسلم
لازم تاخد اجازة م الهم او الزعل او الحزن فووورا..
عشان ترجع ف الفورمة م تانى
عشان ترجع لمستواك الاولانى

بلاش ثقتك ف نفسك تتهز ..هتخسر كتير وهيخش فيك اجواال اكتر
وهتبقى الهزيمة مضاعفة !!!
وانت ف غنى عن دة !!

ثق ف ان ال اصابك بالابتلاء دة او بالأزمة دى قادر انه يطلعك منها
الجــــأ ليه..ناديــــــــه م جواك قوى
قوله يارب انا محتاااجك ..
يارب انت ال ابتلتنى وانا راااااااضي
خلى قلبك ينطقها مش بس لسانك
(انا راااااضي ياااااارب)

ارضي بجد وانت مش هتقلق م بكرة
ولا هتزعل م امبارح
وهتعرف تعيش النهاردة :)

اعرف ان مع كل طلعة صبح
فيه فرصة تقف ع رجلك تانى
ويا قررت تنزل الملعب وتجيب اجوان تانى
..يا اما حابب انك تفضل زى ما انت

على دكـــــــة الاحتيـــــــاطى !!

الخلاصة :

Life Goes On :)
Just Believe In Yourself :)
Live With HOPE :)

وهتعـــدى :)

شكـرآ واجبــة !



كدت ان أُصاب بجفافٍ .. وأسقط صريعة .. أرضآ .. من شدة حرارة اليأس !!
لولا ان جاء هو .. و أعطانى جرعة من زجاجة الأمل .. خاصته

ولم يكن .. ليبخل عليــــــــا .. بأى قطرة منها
لذا فشكـــرآ لك .. واجبـــــــــة
فقد غيـــــــرت الصــــــورة
وجعلتها تنطق بألوان الطيــف كـــــافة

وأزلت منها بكلماتك كل ماهو أســــــــود

لذا أدامك الله شمسآ تبعث بيا الدفء
إن احتل البرد كيانـــى يومـــــــــآ !!
:)

وهاتحدانــــــى ..



نفسي اكتب بقلم رصاص مكتوب عليه " صنع فى مصــــــر"
و سجادة الصلاة وفانوس رمضان ما يبقوش صنع ف الصين!!

نفسي ال يلبس القطن المصري الأفخم ف العالم هو الموظف المصري البسيط
مش بس الملوك واصحاب القصور والملايين !!

نفسي الاقي الشارع نضيف دايما وال يرمى ورقة ف الارض يبقي حاسس انه بيعمل حاجة غلط
وان ع الاقل الاقي سلة الزبالة ال ارمى فيها الورقة مش ادوخ السبع دوخات ع مكان ارمى فيه !!

نفسي ما يبقاش فى ظلم م اى نوع
وال يفترى يتعاقب واقوله ف وشه بأعلى صوت
ايه ي عمنــــا ماتفووووووق كدة

دى البـلد فيـــــــــها قــــــــانون

ابقى وانا بقولها واثق مليون ف المية ان القانون دة هيحمينى ومش هيجى مع ال ظالمنى
عشان نفوذه او سلطته او فلوسه !!

ونشيل من قاموسنا بقى جملة (القانون لا يحمى المغفلين) !!

نفسي لو مفيش ظابط مرور واقف مالاقيش حد ماشي مخالف ولو فيه اشارة الكل يقف فيها !!


نفسي ال يذاكر ياخد ع اد مايتعب
وماتبقاش بختك يابو بخيت وال حل زى ال ما حلش !!
أو تلاقي كله معرفش يحل اى حاجة
وفى ناس شايلة وناس جايبة قرب النهائى
طب منين ي جدعان ؟!!!؟

نفسي يكون فيه رقابة ع دكاترة الجامعة
ومش عشان ولد كح ف المحاضرة والدكتور ماعجبتوش كحته
يقوم مشيله المادة بتاعته عشرتلاف مرة !!

نفسي ابطل اذاااكر مناااااااهج قديمة وغلط وطلع الاحسن منها والاحدث لمجرد ان عايزة رضا الدكتور عنى عشان انجح وتووووووولع دماغى !!!

نفسي المدارس الحكومية تبأه زى المدارس الخاصة
وماتبقاش المدارس الحكومية تعبانة ف الامكانيات والمستوى التعليمى

نفسي اذاكر م الكتاب ويجيلي منه الامتحان
مش يتفنن واضع الامتحان ف انه يحط اسئلة محدش يعرف يحلها
زى ما يكون بيتحدانى انى لازم اطلع م الامتحان سايب اسئلة اد كدة
وي سلام لو ثانوية عامة بقى ..النص درجة بتفرق !!
ببقى والله عايزة اقول للى بيحط الامتحان ..
والنعمة انا مش عدوتك ياعمو !!!
دة انا زى عيالك وربنا ..والنص درجة ال بتضيعها بفزلكتك دى متشعلق فيها مستقبلي كله !!!


نفسي يبقي شغلنا الشاغل مش الاهلى او الزمالك
او الممثل الفلانى ولا المغنية الفلانية
وان تبقي اهتماماتنا بآخر اختراع او بحث علمى اتعمل ف الموضوع الفلانى
او ايه آخر برنامج دينى ناجح عمله الشيخ فلان

دة ما يمنعش ان نتفرج ع ابوتريكة والاهلى ونتفرج ع افلام والخ والدنيا تمام
بس ماينفعش يبقي اهتمامنا كله بالحاجات دى وبــــــــس !!

نفسي ابطل اسمع شتايم خاااااااااالص
سواء ف الشارع او ع الفيس او ف اى حتة !!

نفسي المدارس تعلم الاطفال يعنى ايه احترام العلم
((يعنى تحية العلم الصبح تبقي بتتقال والعلم ((قماشته نضيفة ومغسولة
مش تفضل قرون متعلقة لحد ماتتفرول ومايبقاش ليه اى معالم
والنسر بيبقى خلاص شوية وهيطفش م العلم لأنه مبيكونش باين فيه اصلا!!

نفسي التعليم بتاعنا يبقي فى قوة التعليم البريطانى
بس ف نفس الوقت يبقي محافظ ع هيئته العربيـــــــة !!
يعنى أخلى الآيات القرآنية وما اقللهاش
وأحط مكانها نصوص شعر او نثر !!!

او ما اخليش مادة الدين مادة مهملة ثانوية وممكن ماتلاقيلهاش مدرس يخش يدرسها
لان بيتهيألى لو شيلت الدين م اى حاجة
يبقي مفيش طوبة اساس تبنى عليها اى جيل عايز تطور بيه اى بلد !!


نفسي مايبقاش ابن المهندس مهندس وابن وكيل النيابة وكيل نيابة وابن الدكتور دكتور كدة وخلاص
ليه ميكونش فيه تكافؤ فرص ؟؟؟
يعنى ال طلع الدنيا ولقي ابوه عامل بسيط مش م حقه يبقي حاجة احسن تناسب امكانيات دماغه دى ولا ايه؟!؟

نفسي اى بلد ف العالم ليها اى نوع م انواع القوة
تيجى عند بلدى وتفرمل

ويعرفوا اننا مش لقمة سهلة دة احنا مرين اووووووى
وان يكون دة مش بس بالكلام
لأ..بالورقة والقلم
اقتصاديآ ..سياسيآ..اجتماعيآ..حربيآ .. تكنولوجيآ ..حتى اعلاميآ

نبقى احنا الاحسن وليه لأ؟؟!!؟؟

نفسي الجنسية المصرية الكل يتهافت عشان ياخدها ..
زى ما الناس ف العاالم كله بتسعى انها تاخد مثلا الجنسية الامريكية !!

نفسي المواطن المصري برة بلده يبقي ليه احترامه وكرامته وعزته ومايتهانش
ولو اتهان يبقي ف الف حسااااااب للى اتهور وعمل دة !!


نفسي افضل فخورة انى مصرية وافضل رافعة راسي زى ما انا رافعاها دلوقتى
وللأبـــــــــــــــــــــــــــــد!!

نفسى ف حاجااااااااااااااااااااااااااااااات كتير
ويمكن لو هاكتب مش هخلصها
واكيد كل واحد فينا نفسه ف حاجات كتير لبلده ..لاهله..لنفسه..ولولاده ادام

بداية اى انجاز ان اقول انا نفسي ف دة
وأصدق نفسي ف ان فعلا انا عايزة دة

لو صدقت نفسي هجرى ورا حلمى وهشتغل عليه

ع الاقل هبدأ بنفسي ومثلا اشد حيلي ف مذاكرتى
او هشتغل ف مكانى بضمير وهابطل ازوغ م الشغل بدرى

مش هعلى سعر الكشف ف عيادتى وامص ف فلوس العيانين او ان اطلع عنده امراض الدنيا والآخرة وهو يدوبك عنده حبة زكام !!!

مش هكون محامى بيدارى ع الفساد
لأ ان هدافع عن حقوق المظلووووم مش هطلع الظالم م السجن !!

مش هكون المهندس ال يبنى عمارة تقع تانى يوم الصبح ع الساعة 6 كدة وهو لسه مشطبها ع الساعة 5 صباحا برضو!!

هاحلم انى ابقي احسن حاجة ف مكانى وهاتعب واشتغل عشان اوصل لدة
هبطل اشكى واقول ي عينى ما نصيبي كدة !!
لأ هغير م الوضع ال انا فيه وللأفضل
يعنى هو ال طلع الفضاء دة كان يعرف ان فيه فضاء اصلا؟؟!!؟

وقبل مهعمل واصلح كل الحاجات دى
هصلح حاجة بكل ال فااااااااااااااااااااااات دة
هصلح
.
.
.
.
علاقتــــــــــــــــــى بربنـــــــــــــــــــــــــا
:)

وهاتحدانــــــــــــــــــــــــــــــــى ^_*

22 فبراير 2011

أين النهاية؟!

فى غيابها صار كل شئ حوله لا شكل له ولا قيمة

وأصبح قلبه ماهو الا مساحة من الفراغ
تسكن جسدآ وكيانآ أيضا من الفراغ !!


فى بُعدها لايستطيع العثور على نقطة بدء ..
فالبداية لا تبدأ عادةَ من لا شئ ..
انما تبدأ من نهاية

ولكن ياتُرى أين هى النهايـــة؟؟

أسوأ شعور أن تجد نقطة بدء وتكن هى ذاتها نقطة النهاية ..
فتكن بين بداية الشئ ونهايته فى ذات اللحظة !!

حينها مالك سوى " يـــــ الله ــــا "ـ

بكل شجاعة وخوف :)

أردت ُ أن أُخبئكــِـ حبيبتى بداخلى ..
وأن أداريكى فى مياة عينى ..
..وأن أحميكى بين عظامى

وأن ابنى لكى قصرآ فى ساحة قلبي..
لكى أذهب اليكى فى أى وقت أشاء
دون تردد او ماشابه !!

أبذل قصارى جهدى ..
لكى أُدخلكِ بذاتى البعيدة ..
.
.
..
.
.
بكل قوة وضعف
بكل شجاعة وخوف

فقط لأنى أحببتكــــِ

:)

وأوعى تستسلم :)





قد يُكبلنا الألم و يودعنا الامل لا لشئ الا لأننا سلمنا أنفسنا



 بأنفسنا رهائن للأحزان..




وتركناها تقتل طموحاتنا..


وتعبث بتفاصيل أحلامنا الملونة


و تحولها لكوابيس سوداء بكل سهولة!!


لذا فلا تستسلموا وتحلوا بالعِند





و تذكروا أن نفوسكم قوية وشخصياتكم أبية مهما كسر الحزن


 دواخلكم..


فهنا البقاء ليس للأقوي ولا الأذكي ولا الأشرس


انما البقاء للأكثر صبرآ ع الابتلاءات وتحملآ للنكبات وقبلها



 الاكثر تشبثآ بحبل الله :)

19 فبراير 2011

شكرآ انى حبيتك :)


حاجة راقية جدا انك تكمل رسالة بني آدم حتي بعد ما مشي من حياتك..

ايآ بقى كان السبب :
خــــلاف .. سفـــــر او حتي مـــوت !!

...
...انك تعيش على ذكراه وتعمل الحلو اللى كان بيعمله مش لحاجة إلا لأنك لسه بتحبه..

كأنك بتقوله شكــــــرآ إني حبيتك ..وأن بـــحُـــبَك حبيت الناس والدنيا
وبعطاءك أنا مكمل فى سكتي..

الوفــــــاء والأصــــالة من الاخــــــلاق
والحـــــب اخلاق قبل ان يكون مشاعــــر :)

17 فبراير 2011

أحبك .. زوجتى


تصرفت وكأن شيئآ لم يكن فحزنت وتألمت ..
ظنآ مني انك لم تعد تحبني بعد..
ولكني طرت فرحآ حينما ذهبت للعمل..


وفتحت حقيبتي فوجدت فيها ورقة صغيرة منك مكتوب بها

"مهما حدث بيننا .. أُحبك زوجتي !"

:)

شعـــور قـــاتل !!

 
هشةٌ هى تلك العلاقات التى تحوى بطياتها كذب او ما يماثله..
فهى كسفينة من ورق..
مع اى نفخة ريح
..
.
...
.

تبات بقعر المحيط !!

وتصبح ذكرى .. ان يومآ مر ببحرنا سفينة..
ولكن ومع الاسف .. لم تتأقلم مع مناخ قلبنا وها هى سقطت بالقاع

لذا نصيحتى لكم ولنفسي .. حينما تنوى الابحار فى قلب احدهم..
اما ان تعد سفينة شراعها ـ((صـــــــدق))ـ

اما ان تجلس بمنــــزلك..
فهذا افضل من ان تأخذ لقـــــب

"قبطــــان فـــــاشل "
!!
 
وقــــاتل ٌ هو الشعـــور بالفشـــل

حماك الله

 
أحببتك وتعلقت بك كما تتشبث طفلة صغيرة بجلباب أبيها..

خوفآ من عالم بارد لا يعرف عن الدفء شيئآ سوى اسمه..

بك اختبــــأت ..
...

..و عندما خذلتنى وشتتّ قلبي بين معانى الألم والحزن بفراقك




لم استطع الا ان أرفع يداى للسماء

وأدعو

.

.

.

.

.

.

.

.

لك

..اللهم ارزقه حياةً يملأها فرح

.. ولا يمسها قرح

وتخلو من اى جرح..

اينما كان..

ومع من كان..

حمــــــــاك الله يا عزيزى

فالحب يعني لي أخلاقـــ√ـــآ قبل ان يكون مشاعــــ❤ــــر

15 فبراير 2011

فى رفقة المصطفى .. كتبت


ف رفقة المصطفى .. كتبت :

السلام عليك يا من هو خير الانبياء وكان فى الختام
يامن في وصفك سيدى أعجزت كل الالسنة والاقلام

فى ذكرى مولدك ساحكى معك قليلا يا سيد الكرام

وانا أشهد وأُقر بأن رسولى هو
انت يا محمد .. يا من نطق بحبه كل الأنام

جئتك حاملة سلام الملايين ممن أحبك ولم يراك
جئتك ناقلة أمنيات الملايين ممن يشتاق الى رؤياك

جئتك باعتذار الكثيرين ممن انشغلوا عن حبك بحب سواك
جئتك بآمال البشرية جمعاء فى شفاعتك ومعها رضاك

ولكن .. وبعد ان اوصلت الامانة
فضلآ منك ان تفتح لى قلبك وتسمعنى


يا حبيب الله.

انا مسلمة ابلغ من العمر بضع سنين
احمد الله ع نعمة الاسلام وان شرفنى به كدين

وكحال كل البشر والناس اجمعين
قد ارتكب الذنب وتغلبنى نفسي وذاك الشيطان اللعين

ففى النهاية انا بشر وارتكب الخلل ككل الخطائين
ولكنى دوما استغفر ربي عله يغفر ذنبى والقاك بعد حين

فما بين ذنب وتوبة
هكذا كانت دنيـــــاي!!
-----------------------------

حينما كنت ارى كلمات ربي فيك أحببتك أكثر
ولألقاك.. كنت على اهوائى اجاهد كى عليها أُنصر

كنت اراك ف عينى نموذجآ ناجحا
فكان التفوق طريقي وطموحى الاكبر

تعلمت منك كيف الوفاء وكيف ان بغيرى ابدا لا اغدر

وكيف على راحة من احببت إن سقط .. اقف بجانبه واسهر
وكيف عند الابتلاءات والنكبات وما اكثرها .. ان اشكر ربي واصبر

هكذا كنت اتعلم منك فى دنيايا
وهكذا كنت أراك

ولكــــــــــــــــن..

الآن وبعد ان اجتمعت بك فى اعالى الجنان
الآن وبعد ان طال عقلي بشقاء الدنيا النسيان

اقولها لك بكل حب وتقدير وامتنان
من مسلمة قلبها صار برؤية وجهك مسرور وفرحان

((تشرفت يا حبيبي ان لدقائق حلمت بأعظم انسان))
:)
نعم كان حُلماً جميلاً .. فقد كنت انت ف زمنٍ وانا الآن بغير زمان

ولكنى اعدك يارسولى انى سأعمل جاهدة ومن الآن
على ان التزم قدر استطاعتى جزءآ بل كلآ بسنتك والقرآن

حتى القاك واسمع منك حروفآ فى عظمة كلمات الآذان

ان كنتى يا مسلمة فتاةً تمنت رؤياي ف احلامها
وكنتى يا مسلمة فتاةً آمنت بي وصلّت عليا ف كلامها

وان كنتى فتاة عملت على رفع راية الاسلام خفاقة فى حياتها
وان كنتى فتاة زرعت حب ربها وحبي بأعماق ذرياتها من بعدها

لذا فستكونى فى جوارى
ولكى منى شربة هنيئة لن تظمأى بعدها ابدا

وحينها سأتشرف بتقبيل يد اشرف المرسلين :)

والذى ف ذكراه... اطلب من كل من كان على كلماتى م المارين

ان صلوا على الحبيب المصطفى حبيب الله والأنام العابدين
صلى الله على محمد .. صلي الله عليه وسلم

ارجوك ياربي..


ارجوك ي ربي .. ساعدنى

فاللحظات ف غيابها تمر ساعات
ومازلت اذكر كل ما بيننا وماقد فات

حقآ نادم انا على ما اخرجت من كلمات

وموجوعا انا وخرجت منى آلاف الآهات

فهى لم تكن تستحق ان ادهس قلبا صدق مع الحب
لكى فقط اكسب بعض من المراهنات!!

فقد كانت يوما  وطنى وملاذى ان اشتدت بيا النكبات
والآن..سؤالى:

هل سيغفر الوطن لمواطنيه الذين اساؤا له بالخطيئات؟؟

وابتسم قلبـــى..

 
بحثــــــتُ
عن كلمة تبدأ بألف وتصف حالى
..
..
..
..
..
فوجدت ألـــــــــم
.
.
.
.
ولكن ابتسم قلبــــى ابتسامة حب ورضا
حينما رجعت الى الخلف حرفآ
فوجـــــدت
.
.
.
.
.
الله
:)

13 فبراير 2011

اجتهاد ولكــــن!!


 
بذلتِ قصارى جهـــدِك فى بناء الاسوار فيما بيننا

وبذلت قصارى جهـــدى فى تفادى الاضرار ولم شملنا

عزيـــــزتى .. كلُ منا اجتهـــــد
...
..
..
.
.
.
.
ولكن فى غير طريـــــق !!

9 فبراير 2011

ولك حريـــــة الأختيــــار


قلبها زهرة تسكن قمة الجبل ..
من أراد ان يقطفها فعليه تحمل اعباء الصعود!
فالحشائش كثيرة وتغطي الأرض..
ولكن الزهور النادرة في العلاء!!
ولك حريـــــة الأختيــــار!

6 فبراير 2011

ولذا أسرنـى وتعلقــــت به..


 اعتبـــــــرُ هـــذا الوطــــن بكـــــل ما يحتـــويه..
جــــزءآ مقدســــآ من الطبيعــــــة..
ولـــــــذا تعلقــــــت بــــــه ❤
:)

مش هى دى مصـــر اللى بيقولوا عليها !


بعد ما المصرى وقف ف وش المصري اللى زيه !! ... كتبت :
--------------------
معلش يا بنتى..هو انتى من هنا ؟
باين لى كدة غلطت فى العنوان !

...
ولا مؤاخذة ف السؤال يعنى..
الا دى مصـــــر اللى بيقولوا عليها؟!
اصل انا بشبه عليها من بعيد ....!!

هى ملامحها متغيرة كدة ليه؟؟
مش زى آخر مرة شوفتها !!

و مالها هدومها متقطعة ومرمية على الارض كدة ليه؟؟
وايه اللمة الكبيرة دى كلها ؟؟

ايه دة؟؟
مين الناس الكتير دول؟؟
ومالهم واقفين قصاد بعض كدة ليه؟؟

وهى ليه مصـــــــــــر فى النص ما بينهم بالمنظر دة؟
هم بيتخانقوا عليها ولا ايه؟؟
طب استروها وغطوها الاول وبعدين ابقو اتخانقوا؟؟

حاسب حاسب...الطوب اللى بتموتوا بيه بعض دة بيجى فيها؟؟


انا شايفها بتنجرح وبتنزف وبتتعور
وانتو مش شايفينها من كتر الزحمة والتهور

خدوا باااااالكو...
دى بتصرخ وانتو مش سامعينها...
بتنادى وبتتألم والصوت مش واصل!!

كفاية ...
بصوا لها بعين الرأفة وارحموها..

دى وسطيكوا وباندفاعكو بتدوسوا عليها !!
ومش قادرة حتى تقف عشان تحوش ما بينكو... !!!

لانكو ارهقتوها...
شيبتوها...
حيرتوها...
وفى الآخر صدمتوها..!!

و عاشت لليوم اللى شافت ولادها واقفين قدام بعض..
وبيحاولوا يأذوا و يحرقوا بعض..
ومستنين مين ي ترى اللى هيكسب وهيجيب التانى الارض!!

عارفين يعنى ايه أم تلاقي ولادها بيتعاركوا؟؟
بعد ما كانوا ف اللقمة والضحكة وحتى الدمعة بيتشاركوا؟!


وف الآخر بتقولوا انكو بتحبوهـــــــــــــا !!!

طب ازااااااااااااااااااااااااااااااااااى ؟!!

معلش اعذرينى..
اصل فهمى على قدى..وجاوبينى؟

الا دى مصـــــر ال بيقولوا عليها؟؟
انا بشبه عليها من بعيد...


مش هى دى مصر الصبية !!!
دى واحدة تانية عجوزة وع الاسفلت منحنية..!!

لازم بايدنا احنا تانى نخليها تقوووم
ولازم شمس بكرة تطلع من ورا الغيوم
ويطلع اسمها فى العلالى لفوق النجوم

عشان كدة ارجوكى قوليلي..
مش هى دى مصـــــر اللى بيقولوا عليها
ومش هى دى اللى من بعيد بتشبه عليها !!
--------------------------
نعتذر لكـــــ يا وطــــن
ان اجبرناك ان تذوق مر الألم
وان تشاهد رُغمآ عنك
بالفتنة احتراق العلم !!

اللهم احفظ هذا البلد آمنا .. ووحد كلمتنـا فيه
وابعد عنه شر ما كان وما يكون وما سيكون
اللهـــــ آمين ــــــم