فقلبـــــى ملكٌ فقــــط لك يا ربـــــى :)

 

أعتذر لك حقا يا الله اننى استبدلت حبك الطاهر بحبــــه...
ذلك الكائــــن,,,
الذى كل رصيده فى بنك الكلمــــات
جملتان وسطران وفاصلتان وجماهير خيالية تعشق التصفيــــق ونقطة يتبعها تعجــب فى نهاية السطر !!

 

من الآن وصاعدآ .. لن أجعل مفتــــاح قلبــــي بميدالية أحدهم !!
لكى يعبث به كيفما و وقتما يشاء !!

فقلبـــــى ملكٌ فقــــط لك يا ربـــــى :)

ذكــــرياتك !!

ذكرياتك مزقها الزمن وكنت انـــــا اول من ساعده فى التمزيق !!
ذكرياتك قمت بدفنها مع جثث الموتى .. واعلم يا أنت انى لن أنبش قبر حبك من جديد !!
فذكرياتك أحرقتها واستمتعت بطيران رمادها من نافذة حجرتى !!
ذكرياتك لم أعد استغيث بها فى وقت حزنى او ألمى !!

لم أعد أحتضر شوقآ لأى منها فقد صارت سرابآ !!
فما اروع الحياة حينما يتحرر قلبآ سجينآ لذكرى لعينة لأحدهم !!
وما أروع الحياة حينما تستيقظ من أوهامآ زائفة !!

كم انا سعيدة لطى تلك الصفحة الوهمية من حياتى !!
انسي يومآ انى أحببتك..
انسي يومآ انى احترمتك..
انسي يومآ انى اعتبرتك ملاذآ..

ارحــــــل ولا تطرق بابآ قد اغلقته
فإلى هنا انتهت رحلتى معك ..رحلة لا تحوى الكثير
وفيها اعتذر لنفسي ان كانت نالت منى الاهمال او التقصير

ارحـــــل فقد أصبحت ابعد انسان من قلبي بعد ان كنت ملكآ على قلبـــــى!!

ووعدآ منى وانا ما تعودت ان أخلف العهد:
((ستمــــــــوت ذكراك بداخلى وتتحلل))

فما انت إلا وهما و كابوسآ
على قلب صغير قابلك بالحب والوفاء والنقاء فقابلته بالغـــدر والكِـــبر والجفاء !!

 ارحل فما عدت تعنى لى شيئآ
ودموعى أطهر من ان تُراق عليك يا غبارآ علق على قلبي  !!

هكذا انا لـــــن افعــــــــل !!

لن أسهر ليلي وأتأرق من أجل ان أزرع لهم الورود وهم كانوا اول من أبدع و زرع الشوك فى قلبـــــي قبل دربــــي !!
لن اتمادى فى التضحيات العظيمة لقلوب كل معلوماتها عن الحب انه مفرد بلا قيمـــة !!

لن أكون لهم بئر يلقون به همومهم وبعد ان امتلأ بالحزن عليهم يبحثون عن بئر جديد خالى من الاحزان لمجرد انهم لا يحبون الكآبة التى هم كانوا اول من زرعها فى نفســـــي !!

لن أبح صوتى فى النداء عليهم و أجد فقط صدى صوتى يعود عليا دون أى رد..فأن انادى ربــــى أفضل فهو يسمعنى فى كل وقت دون أى ملل او كلل ويغنينى بفضله عن الاحتياج لمثل هؤلاء !!

لن أكون ذلك الطيف الرقيق الذي يتمنونه بأحلامهم وبعدها يفيقوا ويمارسوا حياتهم وكأن شيئآ لم يكن !!

لن أجبر أحدآ على ان يطير بسمائى .. فمن يرد التحليق بها يفعل ولكن وفقآ لشروطى لا بشروط انتهت صلاحيتها فى زمن تغيرت به الكثير من المسميات !!

لن أُحب طلبآ فى رواية اتفاخر بها امام صديقاتى بل سأحب فقط من أجل الحب.. والذى اعلم اننى حينها لن أجد اى لغة للتعبير عنه او عن اى مما يدور بذاتى !!

لن أرهق شموخ جبهتى فى الانحناء لقدوات بلاستيكية الصنع .. ان لم تكن قدوة ذات معدن لا يصدأ فأنها لا تعنينى ابدآ !!

لن أرهق أصابعى بالتصفيق لبشر يتراقصون فوق حطام مبادئهم وقيمهم !!

لن أبكى على أطلال تذكرنى بطيبة قلبي والذى اعتبرها آخرون سذاجة ..
فسأظل انا كما انا لن اتبدل وسيبقي قلبي شمسآ مشعة للطيبة والخير وبغض النظر عن من حولى لن تغطيها غيومآ سوداء ابدآ  !!

لن ولن ولن ولن .....

هكذا انا لـــــن افعــــــــل !!

بعد نصف قرن !

 

بعد عقودٍ من الحب الجميل هجم الملل على قصتنا ولم تعد كسابق عهدنا بها !!
ولم يكسر هذا الملل سوى كلماتك لى أمس
" حبيبتـــى..بعد مرور نصـــف قـــــرن على قصــة حبنـا لا أجد نفسي قادرآ على قول شئ سوى :
(اتمنـــــــاكى أميرتـــى فى الجنـــــــة كما كنتـــــى أميرتـــــــى فى الدنيـــــــا وهذا دعــائى لربـــــى ) "

فوجدت الدموع تجرى على وجهى ولسان حالى يقول : آميـــــــــــــن :)

هـــــى مجـــرد حــــــروف

هي حروف مهما كانت قوتها .. فهي اضعف من ان تصف لكم حب انسان لانسان ..
❤❤
هي حروف قد تصل ف حبهم الي ان تجد نفسها باحثة عن معانيها
فى قاموس اوتلجأ لتُرجمان ..
❤❤هي حروف اثبتت لنفسها دناءة نفسها امام عظمة قلوب هي والجمال سيان..
❤❤
هي حروف تاهت من مخيلتنا التي حاولت كثيرآ البحث عن وصف ما تشعر به الآن..
❤❤
هي حروف لكم تمنت ان ُتخرج وردة حمراء رقيقة لتهديها لهم ولكن للأسف مالها يدان..
❤❤
هي حروف زرع الحب جذورها بكوكب الصدق فنمت واستظل بها ما بواحد ولكن مليونان..
❤❤
هي حروف احبتهم وتحبهم وستحبهم حتي بعد ان تُزهق روحها وتغادر لرب الأكوان..
❤❤
هي حروف تمنت لو انها اكثر من ثمانية وعشرين حرفآ لتستطيع من خلالهم سرد ما يدور فى الوجدان..
❤❤
هى حروف لأُناس لاتقدر اى كلمات فى حبهم عن التعبير..
❤❤
هى حروف لأُناس ببصماتهم ساعدونا ع التبديل للأفضل والتغيير..
❤❤
هى حروف حينما نسمعها منهم نسمعها ومعها نستنشق اجمل العبير..
❤❤
هى حروف لأُناس احبونا واحببناهم دون مصلحة او تدبير..
❤❤
هى حروف ف قلوبنا لأُناس قد احتلوا مكانة وموقعآ بذاتنا للغاية كبير..
❤❤
هى حروف لأُناس حينما نراهم نشعر وكأن الدنيا تغني كعصفور صغير..
❤❤
عصفور نما عشقآ فى الحب وهادي من أحب اشجي الصفير..
❤❤
هى حروف لأُناس من بئر قلوبهم ننهل ونرتوى بأمطار حبهم الغزير..
❤❤
هى حروف لأُناس ان استندت عليهم فنحن على ثقة وإن كان بصرنا ضرير..
❤❤
هم ف نظري ي ســـــادة .. أُناس بحــروفهم استحقوا
من نفسي الحـــــــب والاحتـــــــرام والتقديــــــــر


هـــــى مجـــرد حــــــروف :)

خمس كلمات فقـــط !!

أســـرنى بعقـــــله..وأحتـــوانى بقلبــــــه
بعدهــا انتشلنـــى من وحــل الحــزن بكلمــــة
ونقلنـــــى الى كوكب السعـادة بابتسامـــــة
وهناك بنى لى قصـــرآ أســـــاسه حــــب وعنـــوانه أخــــــلاق..

هكذا يا ســـــادة احتـــــل أميـر مملكتـــــى عالمــــــى الخــاص
وهـــز عـــرش ذاتــــــــى !!

فشكـــرآ لك يا من اضــــأت عتمـــــة آلامـــــــى
شكـــــرآ لك يا من كنت دومآ ارسمه بأحلامــــــى
شكـــــرآ لك يامن عجز فى وصفــــــه كلامــــــى
 
سجـــــدة شكـــر لربـــى يَعقُبهــــــا خمس كلمــــــات فقـــــط :
الحمـــد لله الذى وهبنــــــى ايــــاك :)

فكــــــرة عبقــــــــرية ;)

فكرة انك تهدى ال بتحبه وردة او هدية حلوة فكرة عبقرية جداااا
معرفش ليه بنقتصرها ف المناسبات والاعياد الرسمية وبس؟؟!
ومعرفش ليه ف تفكيرنا بنقتصرها ع ولد وبنت وبس؟!!مع انها تنفع لأى حد.. قريب او صديق مثلا (^_^)

بجد شعور تحفة انك تشوف لمعة الفرحة ال بتبأه موجودة ف عين الحد ال بتحبه
لو فاجئته ف مرة بحاجة حلوة هو بيحبها
ممكن تكون هدية ف تمنها ما تساويش
بس عايزاك تبص للمعنى كدة
وركز ف ملامح وشه لحظة اول ما يشوفها ويمسكها بايده
والكلام ال مش ماشي مع بعضه ال بيتقال بعد المفاجأة (^_^)
بجد لحظات ماتتنسيش وردود افعال ما تتحكيش لانها بتتحـــــــس وبس :)

على هامـــــــش قلبهــــــــا كتبــــــت :)

على هامـــــــش قلبهــــــــا كتبــــــت عنـــــــه حروفـــــــآ من ذهــــــــب

قلبــــــى .. لــــــؤلــــــــؤةٌ .. احفظهـــــــا بين ضلـــــــــــوعى

قلبــــــــــى .. صــــــــورةٌ .. ترسمهـــــا ريشـــــة أخــــــــلاقـــــــــى

قلبـــــــــــى .. ساعـــــــــةٌ .. تدق دقـــــــــــاتها بالاخــــــلاص

قلبــــــــى .. أُغنيـــــــةٌ ..ألحانُــــــــــــها حيــــائـــــــــــى

قلبــــــى .. سحــــــــابةُ مطـــــــــر .. ممتلئــــة بقطـــــــــراتِ حـــــــبٍ لكـــــل من حــــولى

قلبــــــــى .. ليس ببضـــــاعة .. يتفحصهــــــــا كـــل مـــــــــار !!

قلبـــــــــــــى .. هديـــــــةٌ من ربـــــى اليـــــــا .. لذا فسأهديـــــــــه فقـــط لمن يستحـــق من البشــــــر ^_^

قلبــــــــــــى .. صفحـــــــــاتٌ بيضــــــــاء .. لم ولن يُكتـــــــــب فيها الا ما يُـــــــرضي ربــــــــــى :)

قلبـــــــــــــى .. روايـــــــة ٌ .. ولكنهــــــــــــا بملامــــــــح شـــــــرقيــــــة :)

قلبــــــــى .. أمـــــــانةٌ بين يديّـــــــــــــا لذا فسأحافظ عليه قــــدر استطـــــــاعتى

من اثنيـــــن : الوقـــــــوع فى الزَلل أو ارتكـــــــــــاب الخَلل

قلبــــــــــــى .. جمـــــــــرة تُـــــــؤلمنى ان فارقــــت من أحببــــــتُ يومــــــــــــــآ !!

قلبـــــــــــى ما هو الا مجـــــــرد قلــــــــب فى عالــــــــم القلــــــــــوب

ولكنــــــه أراد الحفــــــاظ على نفســـــــــه

فوضع لنفسه القوانيـــــــن لكى لا يحيد عنهــــــــا

هو قلب لايسعى ان يدخل قصـــــــــة طالبآ التظاهر او التفاخر

ولكن يسعى ان يكون عاليا غاليا حتى وان تغيرت المفاهيم من حولــــــــه !!

فهو ان أحَب فهو يحب فى صمت

وان اضطرب فهو يضطرب فى صمت

وان ضحك فهو يضحك فى صمت

وان تألم فهو ايضا يتألم فى صمت

فقط لأنه الهــــــــــدوء رايتـــــــــه

ورضــــــــا الله هو غـــــــــــايته

^_^

قلبـــــــــــــــى يا ســــــادة هو قلبـــــــــــــــى

لو طالبــــــة معـاك صــوداع ..اتفضل يا سيدى ^_^

لما الدنيا تبأه تمام اوى وصافية جدا وزى ما بيقولوا كدة

الدنيا بيس بيس يعنى

وتيجى حاجة تحصل ف حياتك تعكر صفو الهدوء ال كنت عايش فيه دة !!

لما تبأه مقبل ع الحياة كدة وعايز وعايز وعايز

وتيجى حاجة تكسر طموحاتك وتجيب احلامك سابع ارض!!

لما تبأه شايف الدنيا بسبع الوان قوس قزح وفجأة

تتخبط ع دماغك بحدث يعمى عنيك ع كل الالوان ماعدا الاسود !!

لما تبأه بتحب ناس جدااا وفجأه يمشوا م حياتك ايآ كان نوع الفراق بأه

سفر أو خلاف أو موت او اى حاجة تانى

!!ما بتبقاش عارف توصل لهم اد ايه انت مفتقدهم ومحتاج طبطبتهم ع راسك

لما بعد ما يمشوا يسيبوا فراغ كبير ما يقدرش اى حد تانى يملاه غيرهم !!

لما تقعد مع نفسك كدة وتفتكر اجمل ذكرياتك معاهم

كلماتهم

تعليقاتهم

الحاجات ال بيحبوها

ومابتبقاش عارف هل تبأه مبسوط انك فاكرهم بذكرياتهم

ولا تزعل انك عايش ف سجن مش عارف تتحرر م توابعه زى الحزن والألم لرحيلهم!!

لما كل الناس ف وقعتك يمدوا ايديهم عشان يساعدوك

وبيكون نفسهم يتجدعنوا كدة ويقفوا جنبك ف شدتك

ويحسسوك ان ف ناس كتير اوى اوى جنبك

بس للأسف انت مش شايف غير الناس ال مشوا وبس

وحاسس بغربة بشعة بين البشر

عارف ليـــه؟!

لانك بتدور بعينك ومش شايف وشوش ال مشوا دول بين الخلق!!

لما حد يسألك ازيك يا عم وازاى الحال ؟؟

فتضحك وتقول انك كويس وزى الفل ف غيابهم

بس ال عالم بحالك الحقيقي ..بس هو ربنــــــــا!!

لما تحاول تبدأ صفحة جديدة ف عدم وجودهم
و تحاول تثبت ليك ولكل الناس انك قـوى
بس لما بتيجى عليك لحظات وتفتكرهم بتنسي القوة وبتتقطع الصفحة الجديدة دى !!

---------------------------
ال فات دة كله احاسيس بنحسها

يعنى ممكن تقولوا معظم الناس دة اذا مكانش كلهم بيمر بيها وممكن يعيش فترة طويلة فيها

لأن الفراق مكتوب علينا

وكلها لحظات بنقضيها مع ناس وبيمشوا

وتيجى ناس تانية تقضى معانا لحظات ويجى دورنا وبنمشي !!

بيتبع الفراق دة مرحلة عدم اتزان ف حياة البنى آدم

والسبب فيها اختفاء شخصيات تركت ف حياتنا وقلوبنا بصمات

..عمرها ما بتتمحى ولو حتى عملنا ايه

ايــــــــام زمـــــــان:

دى البوم صغير بنقعد نقلب فيه م فترة للتانية عشان نصبر نفسنا ع رحيل الناس دى



الفكرة مش فكرة ان انسان حب انسان واتعلق بيه

و بـــــخ اختفي م حياته !!

اصل دة بيحصل احيانا ف لحظات

لكن التركيز بأه ع بعد ما مشي

الحال بيكون غيــــــر خالــــص..

بتحس فيه احاسيس الغالب عليها المؤلم المُوجع لدرجة انك

مابتبقاش لاقي الكلام ال يعبر ويوصف ال جواك اصلآ!!

وخايف لو اتكلمت ووصفت تأذى قلوب ناس تانية بتحبك

فبتبأه ف حيــــــــــرة

اتكلم واستريح واطلع ال جوايا ومايفرقش معايا أثر كلامى ف ال حواليا

ولا اسكت وابأه عامل زى بركان ممكن ينفجر ف أى لحظة؟؟!!

وتظل الحيــــــرة قائمـــة ولا يوجد رد لسؤالك!!

ساعات كتير بيبقي ف سؤال جوانا كبنى آدمين وبنبأه عايزين نسأله لربنا

هو مش سؤال اعتراضي ع قضاء ربنا ..حاشا لله

لكن بتبأه عايز سبب يهديك ويبرد الألم ال ف قلبك دة

يارب هو انت ليه كتبت عليا دة ؟؟

انا مش اد الموقف ال انت حطيتنى فيه دة !!

انا مش قادر !!

انا ضعيف جدا !!

وممكن شيطانك ياخدك لوادى تانى

ويخليك تمقت قضاء ربنا وتتأفف منه ..

ربنا يحفظنا م المرحلة دى بجد

بس انا وانت وانتى ما نعرفش الدقيقة ال بعد ما تقرأ التوبيك دة هيكون فيها ايه .. مش صح؟؟

بصتنا بتكون ف اللحظة ال انا وانت وانتى عايشين فيها

وبنحكم ع المواقف ف لحظات حدوثها

او بعد ما بتحصل بحاجة بسيطة

ال هى اللحظات ال بيكون دماغك فيها شبه مشلول م أثر الصدمة  بتاع الموقف الصعب او التجربة القوية دى !!

طب يا هبــــــة معلش يعنى ف السؤال

انتى بعد الرغى والصوداع دة كله عايزة توصليلي ايه؟؟ :D :D

عايزة افكـــــركم وافكر نفسي ان الدنيا دى مش مستاهلة

مش مستاهلة انى اتخانق مع دى ولا دة

مش مستاهلة انى أخسر ناس وهما عايشين

واشوفهم م غير ما ارمى عليهم السلام

ولو لا قدر الله ربنا عازهم عنده اقعد اندم واقول ياريت ال جرى ما كان !!

مش مستاهلة انى أزعل ماما او اتخانق مع ابويا وأشد معاه ف حوارات تافهة مش جايبة تمنها !!

مش مستاهلة انى اقعد اشيل م دة

واحقد ع دة

واقعد اجمع مواقف لدة ودة

و اقعد امخمخ عشان ارد القلم قلمين!!

مش مستاهلة انى ادبح صفات كويسة فيا والسبب يكون:

ايه يا بنتى ماهو كل الناس كدة ..هى جات عليكى انتى !!

لقيت ان الدنيا دى دُنيــــــــــــــا بجد

وبتلهينا وما بتخليناش ناخد بالنا م معناها دة

لا سُلطة هناخدها

ولا مال وفلوس هناخدها

ولا كلام ناس هناخده

مش هناخد معانا غير عملنــــا وبس

يا كان حلو وسيبنا بصمات كويسة ف الحياة

عشان الناس تفتكرنا بيهايا كان العكس!!

يا الناس هيقولوا والله دول كانوا ناس كويسين ويدعولنا دعوة حلوة بظهر الغيب

يا هيقولوا الهى يووووووولع ف ............

ليه ما نحافظش على الناس ال ربنا مديهوملنا !!

نحافــــــــظ ؟!! ازاى يعنى؟؟

انى احافظ ع الناس ال بتعمل اى حاجات انا بحافظ عليها وبهتم بيها

انى اراعيهم وأسأل عليهم

واطمن على احوالهم

ان ال متخانق معاه اروح اظبط علاقتى معاه م تانى

ومعلش ادوس ع نفسي وابأه اجدع منه وابدأ انا بتلفون صغير

ليه ما احافظش ع علاقة ربي بأنى احافظ ع علاقتى بالناس ال بحبهم وبيحبونى

وان اول ما تضيق عليا اوووووووى اجرى بس ع سجادتى واناديــــــــه

:)

والى هنا السيدات والسادة خلاصة الصوداع:
وهى رسالة صغيرة لنفسي و ليكو

حافظـــــــــوا ع الناس ال معاكو وسيبوا بس ذكريـــــات

حلوووووة ف قلوب كل ال حواليكو

فقط ارفعــــوا شعــــــــار الحــــــب ف الله :)

ودمتم ف حب ودامت ايامكم لمن تحبون

:) :)

وماتنسوش بس تدعولنا دعوة طيبة كدة بظهر الغيب

 ^_^ لعلها تكن ساعة استجابة وتبأه من نصيبنا

يـــــــــ رب ـــــــــــا

 

شعور قاسي انك تبان ادام الناس قوي وانت م جواك متدغدغ 100 حتة!!
شعور قاسي انك تبكى بليل مع نفسك وتضحك مع ال حواليك تانى يوم الصبح عادى!!
شعور قاسي انك تعد نفسك م الاحياء وبرضو م الميتين!!

شعور قاسي انك تصبر ال حواليك وانت ف الاصل محتاج ال يصبرك!!

شعور قاسي ان تبقى عايش ع ذكرى لناس وخايف لاتنساهم مع الوقت!!

شعور قاسي انك اما تحلم بحد انت بتحبه اوى بس هو دلوقتى مش ف دنيتنا ما بتبقاش عارف
تصحى مبسوط عشان شوفته ولا تصحى حزين عشان ف الحقيقة انتى فقدته واما
هتقوم م نومك مش هتلاقيه!!

شعور قاسي انك تكون حاطط امل ف بكرة بس خايف تحلم لاحسن ما يبقاش زى ما انت عايز!!
شعور قاسي انك تحس ان امبارح اتاخد منك والنهاردة الحزن واخده منك وان ادعيت العكس!!

شعور قاسي انك تحس بتأنيب الضمير لو ف يوم زعلت حد منك ودلوقتى انت عاجز
تقوله (انــــا آســــــف) 

 لانه مش هيسمعها اصل السمع مش م الحواس عند الاموات!!

شعور قاسي انك عايز تعيش عشان تنجح وتشرف الناس ال مشت دى بس ف نفس الوقت مش عايز تعيش لانهم مشوا منها اصلا!!
شعور قاسي انك ما تعرفش تنام بليل لأن شريط وداعهم بيتعاد مليون مرة ف عقلك !!

فبتقوم تجرى لربنا وتقوله يارب انا عايز اقولك ليــــــــه ؟؟؟

بس مش قـــــــادر !!!
لأن انا مؤمن بقضائك وعارف انك عمرك ما هتأذينى

يارب انا بين قلب مؤمن وعقل مش عارف يصدق من كتر الألم!!
فبتبكى بس ليه وبيبان ضعفك بس ليه
هو ال ابتلاك وهو ال قادر لألمك يمحيه

بس قــــــــوله انا محتاجـــــــك اوى
يــــــــــــــــــــــــــ رب ــــــــــــــــــــــا

انت الذى بدأت !!

 

لا تسألنى عن الأمس فالأمس قد مضي واصبح ذكريات اوشكت ع النسيان..
ولا تسألنى عن الغد فالغد يا سيدى بيد خالقنا الله رب الاكوان..

اسألنى عن الحاضر وسأجيب عليك فى التو والآن..
نعم أردتك بحياتى أبآ وأخا وحبيبآ وعالمى كله ايآ كان..
ونعم احتلنى حبك كما ُتحتَل البلدان..

ولكنى انـا من اقـول لك اليـوم:
فقــــــط ارحــــــــل عنــــى لأبعد مكــــــــان..
وتـــذكر انك الذى بدأ وأوصدت الباب ف وجهى وقد أحَبَبتك حبآ ف قدره كالفيضان..
فهنيئآ لى..فأخيــــرآ تحررت من سجنك واصبحت ملكة ع عرش قلبي ولن ارجع ابدآ للخلف بالزمــــان !!

قطــار حيــاتى

 

قطار حياتى يمر من امامى
دون ان اجد حبه يملأ ايامى


لا لست انت الفارس الذى تمنيته دومآ بأحلامى

لذا قبل رحيلي اؤمنكم


ان بلغوا فارسي المنتظر انى انتظرته كثيرآ ولكنه لم يكترث لاهتمامى
وجفت اوراقى بانتظاره ومعها جف حبر اقلامى

كان يومآ النور الذى اضاء حقآ ظلامى

ولكن كل شئ قبل البداية انتهى فابعثوا له سلامى

فياليته يعلم..ياليته يدرى..

وان نسيتم توصيل رسالتى.. فياليته الآن يقرأ بنفسه كلامى !!

والآن تريـــد المغفـــرة ؟!

لا لن اقبل عذرك ابدآ يا انت وأغفر..

فأنت من جنيت ع قلبي حتى تكسر..

وحينها اصبحت فى عينى ادنى واصغر..

اتعلم؟؟..

كنت يومآ الأعظم  بفؤادى ولكنك اصبحت اليوم من اقل الاشياء أحقر..

 اهديتك  تاج مملكتى وبعدها ادركت ان عقلي أخطأ حينما قدر..

نعـــــــم تتلمذت ع يدك وتعلمت كيف بغيرى اغدر..

وكيف ع قلوب م حولى اقسو واكره واقهر..

فقد ذبحت حبى لك بسكين ثلم وقد كان الحب الأطهر..

 و مزقت وريقات قلبي الذى لم يكد بعد ان تفتح وأزهر..

والآن تريد المغفرة!!..

لا.. يستحيل.. فقد اعذرتك قبلآ وكنت خير م انذر..

وسأكون بقمة الغباء ان كنت ف عفوى عنك ممن فكر..

قد اكون بئر طيبـــة.. 

ولكن حينما اجرح ففي بحور غضبي لمن أذانى اغمر !!..

سمعت كلام نفسي وقلت حاضــر !!

سكتت كدة وطلعت م جوايا تنهيدة

صرخت نفسي فيا فجأة وقالت كونى بأه شديدة

مش علاقة اتدمرت تدمر قلب محسوب م ضمن قلوب عنيدة

اصل بصي:

الصداقة والحب دول معانى راسخة مش جديدة

لو مكانتش جذورهم اخلاق واخلاص ومودة واحترام

يبأه بايديكى انتى اقفلي السكة بسرعة وبدون كلام

وسمعيهم الجملة دى:

" هذا القلب غير موجود بالخدمة ..من فضلك يرجى عدم المحاولة ابدآ فيما بعد !! "

الصداقة والحب ال بجد

يعنى توأمة أرواح عن الوحش هى زهيدة

يعنى مطرة خير وهنا ومعانى عالية تانية عديدة

يعنى لما يكون ماليهم الحزن يحاولوا يخلوكى انتى سعيدة

يعنى لما يزيد عليكى الهم يخلوكى تنسي وكأنك طفلة وليدة

يعنى لو قلتى حاجة مالهاش لازمة يحسسوكى انها مفيدة

يعنى يحاوطوكى ف كل وقت وعمرهم ما يسيبوكى وحيدة

ولو ف قلوبهم ملايين الناس تحسي ان انتى ال بس ف قلوبهم م نوعك فريدة

سمعت كلام نفسي وقلت حاضــر فهمــــت ودى حاجة اكيدة

وقولتها وطلعت معاها برضو م جوايا تنهيــــــــدة !!

ف نظرى الحـــــب مـــــاهو الا احتـــــــــــواء..

 

هو الذى يحتوينى كامل الاحتواء
يكن لي ف مرضي وشدتى الدواء
بيديه تمسح ع رأسي ف رفق تكن هى الشفاء
يخطفنى م عالم يكسوه الألم والحزن والشقاء
ومهما كان الزحام حولى وعلت الاصوات فان نادى فأنا سامعة للنداء

ان دب اليأس بذاتى فتكفينى عباراته ومافيها م امل ورجاء
يكن لى الأب والأخ والحب وأيضا خير الأصدقاء
مهما تقدم بى عمرى فدومآ يشعرنى بأنى ف صباء
ان استغنيت عن العالم اجمع فهو يكفينى ويروينى بحبه كما يفعل الماء

يحترم عقلي ويقدره حتى ولو اختلفت الآراء
يتفنن ف اسعادى وبقلبه يهتم ويحسن الاصغاء
يعمق ف دواخلى برقي مشاعره معنى ان تعطى بسخاء

يعاملنى يومآ كطفلة تريد العبث واللهو والبعد عن اى مسئولية وعناء
ويعاملنى كامرأه يومآ ويعلو بي بحبه الى اعالى السماء

بطيب كلماته يجعلنى دومآ ف صلاتى اناجى ربي له بالدعاء
اتمناه م ربي انسانا يعلمنى حروف كلمة وفــــــــاء
يكن سري وجهرى وهو ف بردى الغطاء
ان ابتعد عنى لساعات فآثار حبه بقلبي تاركة علامة للبقاء

ف نظرى يا ســادة الحـــــب مـــــاهو الا احتـــــــــــواء
:)

وانتهى وقت الضيافـــــــــة !!!

 

حينما نحب من لم يضعنا ف قائمة هؤلاء الذين يسكنون بقلبه !!

حينها تتضح الامور
ويظهر التواضع الذى استتر وراءه الغرور

حينها تتعلم كم م السهل التلاعب بالقلوب
ومن السهل ايضآ ان تتوه م حولك عن خير الدروب
وان تحول شمسه من الشروق فجأة الى الغروب

حينها م الواجب عليك ان تشكرهم ع عنائهم وعملهم الدؤوب
ف الايقاع بقلبك وتحويله ال بئر اوشك ماؤه ع النضوب


حينما نحب من لم يضعنا ف قائمة هؤلاء الذين يسكنون بقلبه !!

حينها عند وجوده حولنا فأننا ننسحب بهدوء حتى لا يلحظ تواجدنا
ولا نحاول لفت انظاره ولو بأبسط الاشياء


حينها عندما تقابلهم عيوننا صدفة ف الطريق
فأنها تلقائيآ تذهب للاتجاه المضاد بعيدآ

لأننا نعلم ان هذا القلب قد حجز لغيرنا
وان ادعى العكــــــــس
!!!

فقلبهم نفسه لا يعلم الى اين سكته؟؟
لا يعلم الى قلبك ام الى قلب غيرك تكن وجهته ؟؟

يسكنهم شبح التردد والتذبذب ف اتخاذ القرارت
ينوون الشئ ويتراجعون عنه ف لحظات

فعـــــــذرآ ..

يبدو انها كانت نزوة جديدة لديكم وقد انتهت سريعآ

وعفـــــوآ..

ليس معنا تلك القصص التى تحوى ف مضمونها الفراغ والهراء
فكبريائنا والعزة التى تغزو نفوسنا تكفى لاغراق العالم بأكمله كما لو انها امطار الشتاء

لا يمكن ابدآ ان نكون ف حياتكم بديلآ
او كزجاجة دواء عند مرضكم تكن طريقآ ودليلآ

نحن بما ف قلوبنا من خير سنتخطاكم
وكلها ايام قليلة وسننساكم

وسيرزقنا الله بمن يضعون قلوبنا بين جفونهم
ونكن نحن بعدها منبع افراحهم وملجأهم ف وقت شجونهم

لذا كلماتى لكم:

قد كنتم زائر خفيف لسويعات ع قلوبنا 

وها قد رحل بعيـــــــدآ
وانتهى وقت الضيافـــــــــة !!!

الـحـــــــــب اخـلاق قـبـل ان يــكـون مـشـاعــــــــــــر..

 

عـنـدمـا تـتـلـقـى
الاهـانـة مـن شـخـص أحـبـبـتـه يـومـا .. 

فـأصـمـت و لاتـفـسـر صـمـتـك
ضـعـف ..

ان الـصـمـت سـيـد اللـغـات احـيـانـا ..

و لاتـجـرح مـن حـاول
ان يـجـرحـك ..

فـدعـه يـفـعـل مـا يـشـاء والـتـزم صـمـتـك..

ولا
تـشـوه مـاضـيـكـم الـجـمـيـل مـعـا
 

فـالـحـــــــــب اخـلاق قـبـل
ان يــكـون مـشـاعــــــــــــر..

 

عندما يشتد بك الألم من هول صدمة اصابك بها من احببت يومآ
فلا تحاول ان ترد له الصاع صاعين ولا تفكر اطلاقآ فى الانتقام
لان الانتقام ليس من شيم المحبين واعلم ان

الـحـــــــــب اخـلاق قـبـل
ان يــكـون مـشـاعــــــــــــر..

 

اذا كنت انت من قرر الرحيل عن من تحب
لأن الله فى قلبك اولآ قبل ان يدق قلبك لأحد من خلقه
وتحملت الآم ذلك الفراق ودهست قلبك حتى لا تفعل اى شئ يغضب ربك

حتى ولو كان شيئآ صغيرآ تافها
فاعلم انك على صواب وان حبك ارقي بكثير من ان يدنس بأخطاء بشرية
حيث ان

الـحـــــــــب اخـلاق قـبـل
ان يــكـون مـشـاعــــــــــــر..

 

نعم
انا من قررت ان ينتهى كل شئ
نعم
انا من ارادت لصفحتك ان تطوى وان ترمى في سلة الذكريات
نعم
انا من أصرت على دفنك حيآ حتى لا تتراجع عن اي من مبادئها
او تتخلى عن ما تنادى به من قيم
هل تعلم لماذا يا هذا قد فعلت هذا؟؟
لأنى على علم ان

الـحـــــــــب اخـلاق قـبـل
ان يــكـون مـشـاعــــــــــــر..

 

 

اسئلة طرحتها على نفسي أمس
هل خطوة الفراق بيننا تلك كانت صحيحة ام خاطئة؟
هل سيمر بيا الوقت و كأن شيئآ لم يكن
وان وجودك مثل عدمه؟
هل سأكون قادرة على تحمل غيابك وعدم تواجدك ف حياتى ؟

فوجدت انى سأتحمل غيابك ورحيلى عنك ولكنى لن اتحمل غضب ربي عليا
و انى ساتحمل سنوات من بعدى عنك ولكن لن اتحمل دقيقة واحدة وربي غير راضي عنى
فعذرآ لك .. ربى اولآ وقد تربيت دومـآ على ان

الـحـــــــــب اخـلاق قـبـل
ان يــكـون مـشـاعــــــــــــر..

 

اها..هل ملأك الآن غرور الرجال وانت ترانى وردة اذبل وامامك وانا اتحول
الى بقايا انسانة تطيرها الرياح بعيدآ؟؟


لا اريد ان اسمع ردك ولكن اريدك ان تعلم يا انت..
انى بعندى ما تعودت الهزيمة ان تكون لى شيئآ لصيقآ
وما عرفت الانكسار وان يكون لي طريقآ

وما كان الحزن ابدآ بيومى لى صديقآ
م الممكن ان اتخلى عن م احببتهم حتى ولو كان منهم م لي شقيقآ
فاخلاقي اولآ و ستظل دومآ مبدأ لى عريقآ

فهل سمعت قول احدهم بأن

الـحـــــــــب اخـلاق قـبـل
ان يــكـون مـشـاعــــــــــــر..

 

عندما تختارها مابين المئات لخلقها ودينها 

وقد جذبك كلاهما بعيدآ عن مالها وجمالها

فاعلم انك ممن يؤمنون بمقولة

الـحـــــــــب اخـلاق قـبـل
ان يــكـون مـشـاعــــــــــــر..

 

عندما تدافع عنها استبسالآ لكي تحافظ عليها حتي م نفسك التي قد تسئ لها يومآ

ولو بكلمة قصدآ او بغير قصد..
فاعلم ان حبك لها اساسه

 

اخلاق قبل ان يكون مجرد مشاعـــــــــر..

عندما تتلاقي اعينكما صدفة ف الطريق وكل يدير وجهه للاتجاه المعاكس خيفة م نظرة تغضب ربكما..
فاعلما كلاكما ان الله ينزل دومآ م بركته ع الحب الذي حجر الاساس به

 

اخلاق ثم م بعدها مشاعــــــــــر..

عندما تحترمها فتقدرها فتعزها فتحبها 

ويبدأ قلبك ف الخوف عليها م نظرة او كلمة واحدة م احدهم..

فاعلم انك تمشي تحت راية

الـحـــــــــب اخـلاق قـبـل
ان يــكـون مـشـاعــــــــــــر

 

عندما تراها امامك وتخلص لحبها لدرجة ان لاترى سواها م حولك
فقد بذرت بذرة اخلاص صغيرة كبداية لشجرة عظيمة ستطرح عليكما خيرآ يومآ ما
وبما ان الاخلاص من الاخلاق 

 
فهكذا حبك لها لم يقتصر ع كونه مشاعر فقــــط..

قصة حبى ..بدأت بطاعتى لربى ♥ ♥

خرجت أنا وصحابى كدة مع بعض شوية نرغى ونتكلم
و ف وسط الكلام م بعض


جابوا سيرة الجواز و فتى الأحلام و كده :D:D

كعادة أغلب البنات ^_^

و بالمرة إتكلمنا عن الحجاب :)

و فجأة لقيت شوية من أصحابى بيقولوا إن الحجاب ممكن يكون سبب فى تأخر جواز البنات؟؟ :S:S

ياااااااااا لهوووووووى !!
ايه؟ ليه؟ مين ال طلع الحوارات الفكسانة دى!!

الحجـــاب بيخلى البنات تعنس؟!
ع فكرة انتو يا بتهرجوا يا بتهرجوا برضو!!
مع حول غامض فى العين هههههه
دة كان ماى ريأكشن "رد فعلى يعنى " ^_^

الحجاب اللى بيحمى البنانيت اللى زيى و زيك من عيون شباب ضالة؟؟
بيبقى هو سبب عنوستك؟؟؟؟

لو ربنا عايزك تتجوزى هتتجوزى مش عايزك يبقى خلاص انسى
و ساعتها هتلاقيكى قاعدة جنب مامتك بتغنى

طلعت فوق السطوح هز الهوا كمى
كل العيال اتجوزوا وانا لسه قاعده جنب امى هههههههههههههههه

فبالعقل كدة ازاااااااى يبأة حجابى سر توقف حياتى؟!!

طيب شوفي الكلمتين اللى جايين دول :D:D

هو مش الراجل ميبقاش راجل بجد الا لو كان م عيون الناس عايز يحميكى ؟
العيون ال اما تشوفك ممكن تقطع و تنهش فيكى؟
دة لو راجل حمش كدة اكيد ساعتها مش هيبأة عايز غير بقلبه وعقله منهم يخبيكى ؟

صــــــــــــــــح؟؟ ولا ايه رأيك؟

ولو كان واحد سورى يعنى عيل "......" م اياهم وعايز واحدة تمشي جنبه ونص البلد تعاكسها وهو ماشي زى قرطاس الحاجة الساقعة جنبها كدة وفرحان وسعيد !!

يبأة ما يلزمكيش

ترضي ازاى اونكل دة يكون نصك التانى ؟!

لكن لو هنتكلم ع الراجل فى تحمله للمسئولية و غيرته :):)

ال ما يسمحش ان حد لا ينطق بعنيه ولا بلسانه ع نص قلبه التانى بنص حرف ولو كان ايه ما كان
الراجل المسئول ال لا يحب لا العك ولا اللف ولا الدوران

هيشوف بنت زى القمر واخلاقها وعقلها جابلوه جنان
هيروح يخبط ع باب اهلها ويقول الحقونى بيها ي جدعان

دى بنت الله ع دماغها دى توزن بلدان وبلدان
هى دى ال اتمناها حلالى وهى دى ال اجيب منها الصبيان
هتخاف ع اسمى اوى وهتشرفنى ف كل الاوقات سيان

وانا برة مطمنلها لانها بتراعى فيا رب الاكوان
وف دنيتى انا جدآ بحبها وبدعى ف الآخرة نتقابل ف اعالى الجنان

بذمتك مش دة احسن برضو؟؟
تقوليلي حجاب ايه ولبس واسع ايه ال مأخر الجواز؟؟
دة الحجاب دة بيحجب عنك اشكال سورى والله..

زى اللى فى الصورة دى مثلا

:)

الحجاب بيديكى للواحد ال يستاهلك بجد
ال يستاهل انك حافظتى ع نفسك ليه وماتنازلتيش قبله لحد

ال يستاهل انك تبأى انتى دنيته وأمانه
فيبأه مين دة ال اضيق ف لبسى ولا اخلع حجابي عشانه؟
يابنى دة انا ماشية برضا ربنا واحكام قرآنه
وحاطة اوامره ف قلبي زى ال حاطط حلقة ف ودانه

لو عايزنى يابن الناس آدى ابويا وآدى عنوانه
انا ف الصح زىى زى وعاء ماية وجه وقت غليانه

لا ببرد ولا بنحنى لعلاقات اى كلام
ولا ف الحب تعيشنى اوهام
وبكلامك المعسول تنيمنى ف احلاها احلام

و بعد ماتلعب بيا ف دة كله تقولى يلا بأة سلام!!

لالالا انت باين ماتعرفنيش وعشان كدة خد عندك اول هام
امى وابويا دول ربونى م صغرى ع الاحترام
وانى احاسب نفسي ع تصرفاتى ك يوم قبل م اغفل و انام

انى ابأة ليا شخصية مش اجرى وخلاص وسط قطيع اغنام
المهم ركزبأة يا كابتن وخد عندك تانى هام
انا لا بجرى ورا قصة فارغة ولا حكايات ف افلام

انا عايزة راجل صح يجينى بطريقة تمام
لا يجينى يمين ولا يجينى شمال ويخشلي داخلة حرام
انا بت صافية وماشية بس ف طريقي لأدام
لا بتاع فلان ولا بتاع علان ولا غاوية ف الحب اجرام

عايزة علاقتنا تبأه ماشية نور ف نور وبعيد ع اى ظلام
عايزاك تبأه فارسي القوى ال قلبه مليان شجاعة و اقدام

زى ده :)

الموضوع كده خلص؟؟؟؟؟

لأ


استنوا

اوعوا تمشوا :D:D

  أما جوم سألونى وبما انى بموت ف الورد وكدة فكنت ماسكة ورداية ف ايدى فقعدوا يهرجوا ويقولولى يا عم يا عم ع الورد ..دى وردة حمادة ولا ايه؟؟ ^_*







حمـــادة مين ي جدعان ؟؟ مين دة ؟؟

  قالولى شكل حمادة اللى باعت الوردة دى يا هبــــة

فقلتلهم:

يولع حمادة لو رمهالى ع الارض ورحت وخدتها
دة لو ما ادهانيش ف ايدى ادام الخلق وحياتك ولا هعزها
الوردة ما تبقاش وردة لو ف الضلمة زرعتها
والقلب ما يحبش بجد لو كان مشاعره ف الغلط انا سرقتها

راحوا قالولى الله الله

  لحقتى كتبتى شعر عن حمادة و إحنا قاعدين؟؟؟؟؟ ^_^

ههههههههه كسفونى والله

فعلى طول رديت وقلت:

والله ي بنتى لو كان ف حمادة عدل كنت هقول
بس نعمل ايه بأه تلات ارباع الشباب دلوقتى بأه خلاص مسطول
كل واحد فاكر نفسه ياما هنا ياما هناك وانه شملول
وهو م تفاهة عقله وسطحيته تخسي انه بنى آدم ......
مفيش كدة الواد الجدع ال تتمنى قلبك ليه ينول
مفيش الراجل ال تحسي انه قيمة كدة وانه عنك هيبقى مسئول
كله عايز كلام حب ف الهوا ويطلع بعدها يجرى ع طوووووووووول

و هكذا أعزائى المشاهدين أنكرت التهمة المنسوبة اليا وهى وجود اونكل حمادة بتاعهم دة ههههههههههه

و لكن يبقى السؤال
كام واحدة بتفكر زيى ؟؟؟؟؟؟ :):)

و كام ولد زى اللى فى الصورة الأولى بتاعت بيريل؟؟و كام شاب زى الصورة التانية؟؟؟؟؟؟

حلّقَت وحــــــــيدة !!

رأتك ف عينيها ملاكآ ذى اجنحة..

تَنّزل عليها من سماء الحب..
تلك السماء التى طالما حلمت بالتحليق فيها..

وبالفعل طارت فيها
ولكن بينما تنظر وراءها لتراك

فأذا بها قد حلّقَت وحــــــــيدة !!

ولم تسعفها الدنيا فى الاستمتاع بتلك اللحظات..

اكتشفت ان تلك اللوحة الجميلة المزدانة بشتى الالوان المبهجة قد رسمتها بريشتها هى فقط!!

وان ريشتك جافة جدا ولم تفكر حتى ان تخط معها خطآ واحدآ فى صفحتها..

افاقت من حلمها الرقيق ذاك على ابشع كابوس ..

حينما اخبرتها بتعلق قلبك بأخرى..
كم كانت صدمتها ؟
كم كان المها؟
كم كانت كلماتك تهبط عليها فتؤلمها؟

حينها مثلت دور السعيدة وابتسمت..
ولإقناعك ها هى الضحكة على شفتيها ارتسمت..
ودعت لك ربها فى حب ولجذور حبك بقلبها اقتلعت..

اتضح لها ان هذا الطائر المحلق يجب ان يهاجر بعيدآ عن تلك السماء ..
لأنها ليست من ملكياته
إنها لغيره !!

فبإسم الحب الذى يضعه الله فى قلوبنا لأناس ولانعرف السبب !!

ابعث اليك ورداتى متمنية لك السعادة فى سمائها
عسي ربي يجعل لك فى سماها الخير والسعادة..

دعواتى لك ولمن اسرت قلبــــك..

وقد انسحبت لأنى اريد لك فرحة تدوم..

حتى وإن كانت مع غيــــــري !!..