عايـــــزها بنت كــ♥ــــدة..

بصي ي بنتى م الآخر..انا مش عاوز بجد اعمل الحرام..
اصل انا ممكن آه لغيرى ابأه استاذ ف الغرام..
بس ف الاول والآخر انا طبعى مش م طبع اللئام..
احب امشي ف النور وبودى وشي بعيد اوى ع اى ظلام..

عشان كدة اسمعى حروفي دى وم غير شفرات وخدى عندك الكلام..
انا جامعى مثقف رومانسي كوميدى وحاجة تمام التمام..
بس يوم ما افكر فيها عايزها تبأه زى ما شوفتها دايمآ ف الاحلام..

عايزها بنت ناس طيبين جدا ويكونوا م الكرام ..
لا بنت سفير ولا وزير ولا بنت ناس كانوا ف التاريخ عظام..

عايزها بنت ذكية م غير ما اتكلم عارفة ايه النظام..

عارفة انى ممكن أغير عليها جدا حتى ولو بس مع غيري كان سلام..

عايزها بنت يوم ما اخرج برة تتولى هى الزمام..
وتمشي مملكتها مية مية وتقود الأمور كلها باحكام..

عايزها بنت جدعة الاقيها تغنينى عن احتياجى للغير ..
عايزها تاخدنى و تشدنى بقوة وباستمرار لفعل الخير..
عايزها م البنات دول ال تتلف قلوبهم ف حرير..

عايزها رومانسية اوى وتدينى من حبها كتير..
وعمرها لا تكدب ولا تخون وبتراعى فيا رب قدير..

عايزها بالحق تنطق وولا م هواة نفاق او تزوير..
عايزها بنت مؤمنة وم ايمانها وشها قمر منير..

ف رقة صوتها ودفاه اسمعه كأنه للمية غدير..
عايزها تحفظ سري واحس وكأنى رميته ف بير..

عايزها مثقفة كدة والاقى لكل سؤال عندها ليه تفسير..

ولو كسلت ولا طنشت تبأه هيا لي حافز ع التغيير..

عايزها بنت كوميدية برضو بس ف حدود الأدب وبدون تشهير..

عايزها ف وقت غيبتى تحفظنى بكل حب وود واخلاص وضمير..

تبأه هى نورى هى عكازى لو جيت ف مرة وبقيت ضرير ..
تبأه هى شمسيتى لو كان الجو عاصف مطير..
وتبأه هى غطايا وتدفينى لو كان برد زمهرير..

لو تعدى بس ادامى لحيائها اشم اعبقها عبير..

ولو جيت انكسرت مرة والاحباط كان جوايا كبير..
ببسمتها وبلمعان ضى عينها تقابلنى بوش بشير..

الخلاصة:

انا عايزها تبأة اميرتى انا وأبأه انا ف ملكوتها الأمير..

فيــــــــــارب ارزقنى بيها زوجـة صالحة
وقصر الطريق ما بينا لو كان طويل..


فهمتى بأة انا عايزها ايــــــــه؟؟
عايـــــزها بنت كــ♥ــــدة..