من يوميات محجبـــــة (2)

من يوميات فتاة مسلمة (2) :

خرجت انا وصحابى كدة مع بعض شوية نرغى ونتكلم

يمكن ف وسط الكلام م بعض حاجة نتعلم

فجابوا سيرة ان الحجاب واللبس الواسع دلوقتى بيقولوا بأوا احد اسباب ان البنات ما بتتجوزش !!

ياااااااااا لهوووووووتينى !!

 ايه؟ ليه؟ مين ال طلع الحوارات الفكسانة دى!!

الحجـــاب واللبس الواسع بيخلى البنات تعنس؟! دة م امتى ان شاء الله ؟!

يا نعم !! ع فكرة انتو يا بتهرجوا يا بتهرجوا برضو!!

مع تتنيحـة كبيـــــرة

دة كان ماى ريأكشن "رد فعلى يعنى " ^_^

بصي ي ست البنات:

 اوعى تكونى م البنات ال مقفلين دماغهم ان الحجاب ((الصـــــح)) وال اكيد هيكون ع لبس واسع هو ال مخليهم ما اتجوزوش لحد دلوقتى او اخرهم عنه يعنى

ابوس دماااااااغك عشان خاطرى بلااااش..

اصل بصي دة قسمة ونصيب ولو انتى مكتوبة لواحد ف الجهة التانية م الكرة الأرضية هتكونيله حتى ولو حصل ايه؟

 فبالعقل كدة ازاااااااى يبأة حجابى سر توقف حياتى؟!!

وركزى الله يعزك ف البوقين دول ي ستى وجاوبينى

هو مش الراجل ميبقاش راجل بجد الا لو كان م عيون الناس عايز يحميكى ؟
العيون ال اما تشوفك ممكن تقطع و تنهش فيكى؟
دة لو راجل حمش كدة اكيد ساعتها مش هيبأة عايزغير بقلبه وعقله منهم يخبيكى ؟
صــــــــــــــــح؟؟ ولا ايه رأيك؟

ولو كان واحد سورى يعنى عيل "سيس" م اياهم وعايز واحدة تمشي جنبه ونص البلد تعاكسها وهو ماشي زى قرطاس الحاجة الساقعة جنبها كدة وفرحان وسعيد !!

يبأة ما يلزمكيش ي بنتى ..

ترضي بيه زوج ازاى دة؟!!

دة ال هيكون الحضن ال تستخبى جواه ف وقت خوفك  م العالم

وهو ف الاصل بايعك عاااااااادى لكل العالم!!

دة ال تترمى بين ايده وانتى واثقة انه مستعد يضحى بعمره عشان يدافع عنك حتى ولو م بصة مش تمام م حد مش تمام؟؟!

ترضي ازاى اونكل دة يكون نصك التانى ؟!

وهو سامح لغيره يشوف فيكى و((انتى حلاله)) ال مفروض بس هو ال يشوفه !!

فووكك منه الله يباركلك ..

لكن لو هنتكلم ع ابن الناس الراجل الشرقي الجدع ال عنده النخوة وغيرة ولاد البلد ..

ال ما يسمحش ان حد لا ينطق بعنيه ولا بلسانه ع نص قلبه التانى بنص حرف ولو كان ايه ما كان
الراجل المسئول ال لا يحب لا العك ولا اللف ولا الدوران

هيشوف بنت زى القمر واخلاقها وعقلها جابلوه جنان
هيروح يخبط ع باب اهلها ويقول الحقونى بيها ي جدعان

دى بنت الله ع دماغها دى توزن بلدان وبلدان
هى دى ال اتمناها حلالى وهى دى ال اجيب منها الصبيان
هتخاف ع اسمى اوى وهتشرفنى ف كل الاوقات سيان

وانا برة مطمنلها لانها بتراعى فيا رب الاكوان
وف دنيتى انا جدآ بحبها وبدعى ف الآخرة نتقابل ف اعالى الجنان


بذمتك مش دة احسن برضو؟؟
تقوليلي حجاب ايه ولبس واسع ايه ال مأخر الجواز؟؟
دة الحجاب دة بيحجب عنك اشكال سورى والله..

بيديكى للواحد ال يستاهلك بجد
ال يستاهل انك حافظتى ع نفسك ليه وماتنازلتيش قبله لحد

ال يستاهل انك تبأى انتى دنيته وأمانه

فيبأه مين دة ال اضيق ف لبسى ولا اخلع حجابي عشانه؟

يابنى دة انا ماشية برضا ربنا واحكام قرآنه

وحاطة اوامره ف قلبي زى ال حاطط حلقة ف ودانه

لو عايزنى يابن الناس آدى ابويا وآدى عنوانه

انا ف الصح زىى زى وعاء ماية وجه وقت غليانه

لا  ببرد ولا بنحنى لعلاقات اى كلام

ولا ف الحب تعيشنى اوهام

وبكلامك المعسول تنيمنى ف احلاها احلام 

و بعد ماتلعب بيا ف دة كله تقولى يلا بأة سلام!!

لالالا انت باين ماتعرفنيش وعشان كدة خد عندك اول هام

امى وابويا دول ربونى م صغرى ع الاحترام

وانى احاسب نفسي ع تصرفاتى ك يوم قبل م اغفل و انام

انى ابأة ليا شخصية مش اجرى وخلاص وسط قطيع اغنام

المهم ركزبأة يا كابتن وخد عندك تانى هام
انا لا بجرى ورا قصة فارغة ولا حكايات ف افلام

انا عايزة راجل صح يجينى بطريقة تمام

لا يجينى يمين ولا يجينى شمال ويخشلي داخلة حرام

انا بت صافية وماشية بس ف طريقي لأدام

لا بتاع فلان ولا بتاع علان ولا غاوية ف الحب اجرام

عايزة علاقتنا تبأه ماشية نور ف نور وبعيد ع اى ظلام

عايزاك تبأه فارسي القوى ال قلبه مليان شجاعة و اقدام

هاه هتبأة راجل كدة ولا بكلم وبحكى انا مع غلام؟؟ :P :P

وصلك بأه يا ستى ال عايزة اوصلهولك م الكلام؟؟ ^_^