انا من مؤيدى ان الواحد يسترجع الذكريات الحلوة بتاع زمااااانهتقولى لييييه يعنى..طب والواقع هنهرب منه ولا اييييه؟؟
..لأ طبعا نهرب بتاع ايه؟؟هو احنا بتوع كدة..الاول بس صل ع الحبيب المصطفى
وررررررررررررررركز وجاوبنى
مضغوط؟؟ حاسس ان الدنيا كلها فوق دماغك ؟؟
مسئوليات بقي.. ايا كانت درجتها ومُطالب انك تكون قدها ؟؟
ونتيجة للضغط دة متكركب ..أو حاسس بملل او خنقة؟؟
كل يوم ودماغك ع المخدة عمال تفكر بكرة هاعمل ايه وايه وايه
عايز انجز المشروع الفلانى عشان يتسلم!!
عايز اروح اعمل الورق العلانى عشان اجراءات مش عارف ايه
عايز اعمل الواجب بتاع العربي بتاع النحو الرخم دة عشان عندى درس
:D
ايا برضو كانت درجة صعوبة او سهولة ال ورااااك
دة مش المهم بس عايزة اقولك
أن كتر التفكير تحت ضغط بيعمل لووود زيادة ع عقلك
فبيخليك بتعمل المطلوب منك بتركيز وبكفاءة أقل
!!
طب والعمل يعنى..ايه الحل ؟؟؟؟
بسيطـــــــــة :)
افتح ألبوم صور قديم يجمعك انت وصحابك بتوع الكلية
او صورك انت وعيلتك ف مصيف ولا غيره
اتفرج على فيديو ف عيد ميلاد حد انت بتحبه
ولا حفلة تخرج بتاعتك
ولا البوم فرح حد م قرايبك ولا اصحابك ولا الخ....
اسمع حاجة بتفكرك بأنت وانت صغير
اتفرج ع كارتون..آه والله ما بهرج!!
دة ممكن ال بقوله دة ماياخدش ساعة م يومك
:)
اسمع الاغانى بتاعتنا ال كنا بنسمعها واحنا عيال
◕‿◕
ايام ما كان مفيش مسئولية ولا ضغوط!!
ولا كان فارق معانا اى حاجة!!
غير عايزين نخرج
عايزين شكولاتة او اى حاجة حلوة
وعايز اتعلم اسوق عجلة عشان أخلى بابا يجيبلي واحدة
ايام الوقعات ال كنا بنقعها وركبتنا ال كانت بتتملى تعاوير
^_^
ومع ذلك كنا بنلعب م تانى
وبنجرى تانى
ع فكرة.. احنا بنلعب مع الدنيا دلوقتى برضو !!
بس التكنيك بتاع اللعب اختلف فيه بعض المسميات !!
يعنى عايزين نخرج للحياة برضو ونروح ونيجى
ويا سلام لونلف العالم كله
ومتقوليش انتى متفائلة بزيادة !!
نلف العالم ايه بس؟!!؟
ي سيدى احلم
احللللللللللللللللللللللم
هو الحلم بفلوووووووووس
؟؟!!؟؟
وقعتنا ع الأرض والتعاوير ال كانت بتبقى ف ايدينا ولا رجلنا واحنا بنلعب كورة ولا راكبين العجلة دى
ماتختلفش كتير عن وقعاتنا ف الحياة وتعاوير قلوبنا م الاختبارات و الابتلاءات ال ربنا بيمتحننا بيها بعد ما كبرنا وعقلنا شوية
بس لازم تقوم تلعب تانى
لازم تقوم تجرى تانى
كل واحد فينا ليه استايل خاص لذكرياته الحلوة
حطهوله ربنا بما يناسب شخصيته !!
ماتسيبش الذكريات الطيبة للزمن ياكلها منك !!
افتكر الحلو وعيش عليه
لما يتقطع عنك أكسجين الفرحة ولو لفترة قصيرة
!!
خلى الذكريات دى بنزينك
لما تيجى عربية انجازاتك تتعطل وسط الطريق لأى سبب!!
عيشوا ع الذكرى الطيبة
وبيها
ومايضرش فيها !!
ال بحسه أن: ((الطاقة الايجابية)) ال بتيجى ناتج م "تذكــــــــــر" الأفضــــــــل
اعلى بكتيييييييييييييييييير
من انك تسلم نِمرك ف عيش "واقــــــــع" الأســــــــوأ
!!!
هااااااااااااااااااااه؟؟ ^_^
شغل دماغك بسرعة وشوف انت محتاج طاقة اد ايه ؟؟!!؟؟
وقـــــــــــــرر
ليست هناك تعليقات:
إرسال تعليق