كدة كفاية اووووى !

 

كفاية لحد كدة ويلا سلام بقي يا غم..
خد الحزن فى سكتك ومعاهم الوجع والهم..
أصل كفاية اللى من وقتى راح..
كفاية أرق ...ألم ... وجـــراح..

مش لازم فى محطتى تانى تستني ..
معادى دلوقتى مع الفرحة وهتهنى ..

المرادى كلامى مش مجرد كلام..
دة كلام رجالة كدة وتمام التمام..

يلا عبي سلتك بالوحش من حياتى وامشي..
اصل جه الوقت اللى من سعادة قلبي مهانمشي..

هآخد نفسي ومع أحلامها هاطيـــر..
وهبقي زى عيل صغير بيتنطط على السرير ^_^

ضحكتى هتبقي صادقة وعالية ..
وطموحاتى جوايا جوهرة غالية..

لا بيك هانكســر ..
ولا بكلبشاتك هاتأسر..

بتحداك وبقولك بجد هاعرف أعيش..
هاعقل وافرح وماله شوية أطيش..
بس تكون انت برة وبزيطة غُلبك متصدعنيش..

يلا شد رحالك بسرعة ومتغلبنيش..
أصل انا ابو العند وانت شكلك متعرفنيش..

هاه يا غم وصلك اللى جوايا ... ولا لسه مفهمتنيش ؟!!!
^_*